Memleket basshysy Qasym-Jomart Toqaev búgin ótip jatqan elordany damytý máseleleri jónindegi keńes otyrysy barysynda qaladaǵy rezervtik sýmen jabdyqtaý kózderine qatysty máseleni qozǵady, dep habarlaıdy Egemen.kz.
«Búginde rezervtik sýmen jabdyqtaý kózderine qatysty másele áli de ózekti bolyp qala beredi. Sý jetispeýshiligi týyndaǵan kezde halyqqa úlken qaýip tónýi múmkin, tutas qala sýsyz qalady», dedi Prezıdent.
Bul rette Memleket basshysy Ekologııa mınıstrligi qala ákimi ortaǵa salǵan barlyq usynystardy pysyqtap, onyń ishinde Astana sý qoımasyn sýmen qamtamasyz etýdi ulǵaıtý máselesin sheshýi qajet ekenin aıtty.
«Sondaı-aq №3 sorǵy-súzgi stansııasy men ekinshi káriz-tazalaý júıesiniń qurylysyn jedeldetý mańyzdy», dep qosty Qasym-Jomart Kemeluly.