«Qazaqstan halqyna» qoǵamdyq qory aýyr jáne orfandyq syrqaty bar azamattardy dári-dármekpen qamtamasyz etýdi jalǵastyryp jatyr. О́tken jyldan beri Qor aýyr, sırek (orfandyq) ómirge qaýip tóndiretin jáne sozylmaly derti bar 131 naýqasqa (onyń ishinde 100-i bala) 15,5 mlrd teńgeden astam somaǵa dári satyp aldy, dep habarlaıdy Egemen.kz.
Onyń ishinde onkologııalyq aýrýy bar 24 adam jalpy somasy 2 mlrd 271 mln teńgege «Kıtrýda», «Lorbrena», «Alýnbrıg», «Rıbosıklıb», «Atezolızýmab», «Lenvıma», «Kıskalı», «Karzıba» preparattarymen qamtamasyz etildi. Sondaı-aq «Koselýgo» dárisi boıynsha shart jasalyp, 3 balaǵa jetkiziledi dep josparlanǵan.
Mysaly, 2 mlrd teńgege neıroblastoma dıagnozy qoıylǵan 13 balaǵa «Dınýtýksımab beta» («Karzıba») dárisi alyndy. Onyń ishinde óńirlerden 9 bala Almaty qalasyndaǵy Pedıatrııa jáne balalar hırýrgııasy ǵylymı ortalyǵynda (PBHǴO) jáne Astana qalasynda «University Medical Center» korporatıvtik qorynyń onkologııa bóliminde 4 bala targettik ımmýnoterapııa alady.