Halyqaralyq tennıs federasııasy (ITF) jasóspirimder arasynda jańartylǵan álemdik reıtıng nátıjelerimen bólisti, dep habarlaıdy Egemen.kz QTF-ǵa silteme jasap.
Qazaqstannyń jas tennısshileri reıtıngtegi oryndaryn jaqsartty.
Máselen, Erasyl Erdildá TOP-100-ge jaqyndady, ol qazir 105-orynda tur. Sondaı-aq Maksım Batıýtenko - 120, Danıal Rahmatýllaev - 202, Vıtalıı Zasepın - 209-shi satyda keledi.
Jýyrda Qaraǵandy qalasynda ótken jarysta jeńimpaz atanǵan 15 jasar Ámir Omarhanov 345-shi orynnan birden 269-ǵa kóterildi. Ilııas Maratuly 308-inshi (+55), Erasyl Baqtııar 875-inshi (+64), Zańǵar Nurlanuly 907-orynǵa jaıǵasqanyn da atap ótý kerek.
Qyzdar arasynda Sandýǵash Kenjebaeva 80-ornynda qalsa, Asyljan Arystanbekova – 132, Dana Baıdáýlet – 147, Aııa Nupbaı – 149, Ińkár Dúısebaı – 411, Ádemi Amankeldi 446-satyda tur.