Qazaqstannyń Ystanbuldaǵy Bas konsýldyǵy, elimizdiń belsendi azamattary, stýdentter jáne jergilikti qazaq dıasporasy Túrkııanyń alapat zilzala saldarynan zardap shekken aımaqtaryna gýmanıtarlyq kómek joldaý boıynsha belsendi jumys istep jatyr, dep habarlaıdy Egemen.kz.
Osy ýaqytqa deıin somasy shamamen 160 myń AQSh dollaryn quraıtyn kómek jınalyp, jóneltildi. Atap aıtqanda, balalar taǵamdary, balalar kıimderi, jórgekter, azyq-túlik, jyly kıimder, kórpeler jáne t.b. qajetti ónimder joldanyp jatyr.
Gýmanıtarlyq kómek túrik bılik organdarynyń kelisimimen jasalýda. Bas konsýl Álim Baıel baýyrlas Túrkııaǵa qoldaý kórsetip jatqan Ystanbuldaǵy qazaqtarǵa alǵys aıtty.