Merdigerlerge qoıylatyn mundaı talaptardy «Jaıly mektep» ulttyq jobasynyń biryńǵaı operatory «Samruk-Kazyna Construction» kompanııasy belgilep otyr. Kompanııa 2025 jylǵa qaraı Qazaqstan Respýblıkasynyń barlyq aımaǵynda 401 jańa mektep salýdy kózdeıdi, dep habarlaıdy Egemen.kz.
Elimizdegi mektepter negizinen KSRO kezinde salynǵan, kópshiligi erekshe balalar úshin óte qolaısyz. Jańa mektepterdi barlyq oqýshynyń qajettiligin eskere otyryp, zamanaýı tehnologııalardy qoldanyp salý josparlandy. Kedergisiz, yńǵaıly keńistik: arnaıy pandýstar, lıftiler, dárethana bólmeleri bolady.
Sondaı-aq árbir mektepte ınklıýzıv bilim berý kabıneti bolýy kerek. Munyń bári balalardyń qoǵamǵa jaqsyraq beıimdelýine qajet alǵysharttarmen qamtamasyz etedi.