«Armandastar» márege jetti

Jas bıshiler qalalyq «Mı­ras» mádenıet úıinde óner kór­setse, mektep teatrla­ry­nyń sahnalyq qoıylym­dary M.Gorkıı atyndaǵy gım­na­zııanyń májilishanasynda ótti. Oqýshylar qoıǵan sahnalyq týyndylardyń taqyryby san alýan, al bıshiler «Halyq bıi» jáne «Zamanaýı stıldegi bı» atalymdary boıynsha óner kórsetti. Baıqaýǵa Aman­geldi aýdanynan kelgen «Gúl­der-aı» bıshiler toby ult­tyq naqyshtaǵy erekshe kıim úlgi­simen kózge tústi. Ult us­tazy A.Baıtursynulyna ar­nalǵan kúrdeli qoıylymdy sátti sahnalap shyqqan Tobyl qalasyndaǵy N.Naýshabaev atyn­daǵy mektep-gımnazııa­synyń teatry da kópshilik kó­ńilinen shyqty. Atalǵan mek­tepte osydan eki jyl buryn «Qara shańyraq» teatry quryl­ǵan. Onyń quramynda otyzǵa jýyq oqýshy bar.

Jas ónerpazdardyń ónerin oblysqa tanymal mádenıet jáne óner qaıratkerleri ba­ǵa­lady. Nátıjesinde, qazylar alqasy «Úzdik horeografııalyq qo­ıylym» atalymy boıynsha О́ńirlik psıhologııalyq qol­daý jáne qosymsha bilim berý ortalyǵynyń «Hameleon» bı to­byn jeńimpaz dep taýyp, bo­lashaq aqparattyq tehnologııa mamandaryn oqytatyn «Ozat» mektep-lıseı-ınternatynyń «Blossom» bı tobyna sahnalyq sheberligi úshin arnaıy syılyq berý kerek dep uıǵardy. Al Fe­dorov aýdandyq balalar shyǵarmashylyq úıiniń «Ja­nym» bı toby «Bı qoıyly­my­nyń ereksheligi úshin» degen nomınasııa jeńimpazy atandy.

Baıqaý qorytyndysy boıynsha bı óneri men teatr ónerine taǵaıyndalǵan qos bir­deı bas júldeni Amangeldi aýdanynyń ónerli órenderi jeńip aldy. Bıshiler arasynan Gran-Prı syılyǵyn Amangeldi orta mektebiniń «Gúlder-aı» ansambli, al oqýshylar teatr­larynyń bas júldesin osy aýdan­ǵa qarasty Qumkeshý orta mek­tebiniń «Báısheshek» teatry jeńip aldy. Úzdik óner toptary oblystyq bilim basqarmasynyń maqtaý qaǵazdarymen jáne aqshalaı syılyqtarmen marapattalady. Bas júlde ıegerleri endi baıqaýdyń respýblıkalyq kezeńinde óner kórsetetin bolady. Uıymdastyrýshylardyń aıtýynsha, oblys oqýshylary buǵan deıin de respýblıkalyq baıqaýlarda jaqsy óner kórsetip, júldeli oryndardan kórinip júr. «Mysaly, byltyr Jankeldın aýdanyndaǵy óner mektebiniń teatr ujymy respýblıka boıyn­sha bas júldeni jeńip alsa, horeografııa ujymy úshinshi oryn aldy. Bul óner festıvaline balalardyń qyzyǵýshylyǵy jyldan-jylǵa artyp keledi. Bıylǵy baıqaýǵa alǵash ret óńirdegi mamandandyrylǵan mekemelerdiń ónerpazdary da qatysyp otyr, – deıdi psı­ho­logııalyq qoldaý jáne qo­sym­sha bilim berý óńirlik orta­lyǵy dırektorynyń orynbasary Janna Esmurzınova.

Qostanaı oblysy