«Amanat» úmitkerleriniń tizimi

«Ortalyq saılaý komıssııa­sy ókiletti memlekettik organdarmen birlesip, Májilis depýtaty bolyp saılaný úshin par­tııalyq tizimge engizilgen adamdardyń Kons­tıtýsııa men «Qazaq­stan Respýblı­kasyndaǵy saılaý týraly» Kons­tıtýsııalyq zańnyń talaptary­na sáıkestigine tek­serý júrgizdi. Partııalyq tizim­ge engizilgen barlyq adam Kons­tıtýsııanyń jáne Konstıtý­sııalyq zańnyń talaptaryna sáıkes keledi», dedi OSK hatshysy Muhtar Erman.

Onyń aıtýynsha, partııalyq tizimdi usynǵan partııalar partııalyq tizimge engizilgen árbir adam úshin Qazaqstan zańnamasynda belgilengen eń tómengi jalaqynyń 15 eselengen mólsherinde OSK shotyna saıası partııalardyń qarajatynan saılaý jarnasyn engizedi.

«Parlament Májilisi depý­tat­tary­nyń aldyńǵy saılaýyn­da daýys berýge qatysqan saılaýshylardyń 5 jáne odan da kóp paıyz daýysyn alǵan saıa­sı partııalar saılaý jar­na­syn tólemeıdi. 2021 jylǵy qań­tar­­­­da ótken Parlament Májilisi de­­pý­­tat­tarynyń saılaýynda «Ama­nat» partııasy saılaýshylar da­ýy­sy­­­nyń 71,9 paıyzyn al­ǵan. Osyǵan baı­lanysty «Amanat» partııasy saı­laý jarnasyn tóleýden bosatylady», dedi M.Erman.

Osydan keıin Ortalyq saılaý komıssııasynyń músheleri «Amanat»  partııasy qoǵamdyq birlestiginen Parlament Májilisi depýtattyǵyna kandıdattardyń Konstıtýsııada jáne «Saılaý týraly» Konstıtýsııalyq zańda olarǵa qoıylatyn talaptarǵa sáıkestigin anyqtaý týraly, «Amanat» partııasynyń partııa­lyq tizimin tirkeý týraly hatta­malarǵa qol qoıdy.

Partııanyń atqarýshy hatshysy Elnur Beısenbaev úmitkerler ti­ziminde 90 adam bar ekenin atap ótti. Onyń 29-y áıelder, jastar jáne erekshe qajettilikteri bar adam­dar. Bul tizimge engizilgen jal­py sannyń 32,2 paıyzyn quraıdy.

«Osydan týra bir apta buryn biz Ortalyq saılaý komıssııasyna partııamyzdyń atynan Májiliske usynatyn kandıdattardyń tizimin ótkizgen bolatynbyz. Barlyq kandıdat talapqa saı ekeni, saılaý kezeńine ótetini habarlandy. Biz endi aldaǵy saılaýaldy úgit-nasıhat jumystaryna qyzý daıyndalatyn bolamyz. Biz óz kúshimizge, múmkindigimizge tolyqtaı senim­dimiz», dedi E.Beısenbaev.

OSK otyrysynan keıin Elnur Beısen­baev jýrnalısterdiń suraq­taryna jaýap berdi. Saılaýaldy baǵdarlamanyń tolyq mátini úgit-nasıhat kezeńiniń alǵashqy kúninde jarııalanyp, partııanyń saıtyna ornalastyrylady. Bıyl 7 aqpanda «Amanat» partııasynyń kezekten tys XXV sezi ótip, sonyń qorytyndysy boıynsha partııa barlyq deńgeıdegi máslıhattarǵa 3821, Májiliske 119 kandıdat usyndy. Elimizdiń ókildi organdaryna usynylǵan «Amanat» kandıdattary 75 paıyzǵa jańardy.