KASE Qazaqstan qor bırjasy 15:30-daǵy jaǵdaı boıynsha dollardyń ortasha saralanǵan baǵamy 444,09 teńgeni qurap, taǵy 3,19 teńgege tómendegenin habarlady, dep jazady Egemen.kz.
Qytaı ıýaniniń ortasha ólshengen baǵamy tómendep, 64,85 teńgeni (-0,74) qurady.
Eýro jáne rýbl boıynsha saýda-sattyq ótkizilgen joq. Ulttyq bank eýro baǵamyn – 479,72 teńgege, rýbldi - 6,02 teńgege belgiledi.
Aıyrbastaý pýnktterinde dollardy 446,5-450 teńgeden, eýrony – 475,5-480 teńgeden, reseı rýblin – 5,85-6,1 teńgeden satyp alady/satady.
Sonymen qatar, 16 aqpandaǵy saýda-sattyq barysynda munaıdyń álemdik baǵasy sál qymbattady.
Máselen, ICE Futures-te Brent sáýir fıýchersteriniń quny 0,56%-ǵa, barreline 85,86 dollarǵa deıin ósti.
NYMEX elektrondy saýda-sattyǵynda WTI munaı fıýchersteri naýryz aıyna 0,67%-ǵa qymbattap, barreline 79,12 dollarǵa jetti.