Ortalyq saılaý komıssııasynda saıası partııalardyń ókilderi daýys berýge arnalǵan bıýlletenderde partııalardyń ataýlaryn kórsetý tártibin aıqyndaý maqsatynda jerebe tartý rásimin ótkizdi, dep habarlaıdy Egemen.kz.
Partııa ókilderi OSK zalynda rettik nómirleri bar konvertterdi tańdap, jerebe tartty.
«Parlament Májilisi men máslıhattarǵa kezekten tys saılaýda partııalyq tizimder boıynsha daýys berý kezinde ótkizilgen jerebe qorytyndylaryna sáıkes bıýlletenderdegi saıası partııalar ataýlarynyń tártibi aıqyndaldy», dedi OSK múshesi Sabıla Mustafına.
Osylaısha, saılaý bıýlletenderinde partııalar kelesi tártippen ornalasady:
Amanat Partııasy «Aýyl» HDPP «Respublica» Partııasy Qazaqstan halyq partııasy «Baıtaq» Jasyldar partııasy «Aq jol» QDP JSDP