OSK tóraǵasy Nurlan Ábdirov Májilis saılaýyna túsken úmitkerlerdiń arasynda egde jastaǵylar da, jastar da bar ekenin atap ótti. Eń jas úmitkerdiń jasy - 20-da, dep habarlaıdy Egemen.kz.
Nurlan Ábdirovtyń aıtýynsha, barlyǵy zań talaptaryna sáıkes.
Májiliske 7 saıası partııanyń partııalyq tizimderi boıynsha 281 kandıdat, bir mandatty okrýgter boıynsha májiliske 435 kandıdat tirkeldi. Bul - ortasha eseppen 15 adamnan turatyn bir mandattyq básekelestik.
Máslıhattarǵa 118 partııalyq tizim boıynsha 1447 kandıdat, bir mandatty aýmaqtyq okrýgter boıynsha – 10 288 kandıdat tirkeldi. Olar 3081 mandat úshin kúresedi, ortasha básekelestik - bir mandatqa 3-ten astam úmitker. OSK jáne aýmaqtyq saılaý komıssııalarynda barlyǵy 12 451 kandıdat tirkelgen.
Májilis 98 depýtattan turady, onyń 29-y bir mandatty aýmaqtyq okrýgter boıynsha saılanady.