Ulttyq volonterler jelisi Túrkııaǵa kómek jiberýdi jalǵastyryp jatyr, dep habarlaıdy Egemen.kz AQDM baspasóz qyzmetine silteme jasap.
Búgin Ulttyq volonterler jelisi Qazaqstandaǵy Túrkııa elshiligi arqyly 8 tonnany quraǵan gýmantırlyq kómekti Túrkııa Respýblıkasyna joldady.Sondaı-aq Ulttyq volonterler jelisiniń esepshotyna 100 mln teńgeden astam qarjy jınaldy.О́ńirler boıynsha 660 tonna gýmanıtarlyq kómek jınalyp (Almaty qalasy 50 t., Almaty oblysy 68 t., Aqtóbe oblysy 11 t., Qyzylorda oblysy 3 t., Túrkistan oblysy 25 t., Shymkent 50 t., Jambyl oblysy 400 t., Pavlodar 7 t., ShQO 10 t., qalǵan óńirler 30 t. astam), onyń 500 tonnasy Túrkııaǵa jiberilgen.Buǵan qosa Qazaqstan azamattary Túrkııaǵa 150-ge jýyq kıiz úı jóneltti.Etnomádenı ortalyqtar da úles qosyp, 125 mln teńge jınap berdi. Etnomádenı birlestikterdiń qoldaýymen 54 mln 448 myń teńgeni quraıtyn turmysqa qajetti zattar Túrkııa Respýblıkasyna joldandy. Baýyrlas memlekette bolǵan qaıǵyly oqıǵaǵa baılanysty halyq jumylyp, blogerler, kásipkerler, volonterler, qoǵam qaıratkerleri, jýrnalıster men belsendi azamattar óz úlesin qosyp jatyr.Máselen, Qazaqstandaǵy Túrkııa elshiligi AFAD qoryna qazaqstandyqtar jınaǵan 3 mln AQSh dollaryna jýyq qarjy túskenin habarlady.