Premer-mınıstr Álıhan Smaıylovtyń tóraǵalyǵymen ótken keńeste respýblıkalyq mańyzy bar avtojoldar jelisin odan ári damytý josparlary talqylandy, dep habarlaıdy Egemen.kz Úkimettiń baspasóz qyzmetine silteme jasap.
Indýstrııa jáne ınfraqurylymdyq damý mınıstri Marat Qarabaevtyń aıtýynsha, el aýmaǵynda jalpy uzyndyǵy 13 myń shaqyrymǵa jýyq 8 avtomobıl tranzıttik dálizi bar.
Qazirgi ýaqytta «Almaty – Taldyqorǵan – О́skemen – Shemonaıha – RF shekarasy» (768 km), «Aqtóbe – Atyraý – RF shekarasy» (746 km), «Maıqapshaǵaı – Qalbataý – Semeı – Pavlodar – RF shekarasy» (415 km) jáne «Almaty – Astana – Petropavl – RF shekarasy» (31 km) trassalarynda jóndeý jumystary júrip jatyr.
2030 jylǵa deıin «Batys Eýropa – Batys Qytaı» (1 363 km) jáne «Astana – Qostanaı – RF shekarasy» (830 km) dálizderi men «Atyraý – Oral – RF shekarasy» (587 km) trassalaryn I tehnıkalyq sanatqa sáıkestendirip jańartý josparlanyp otyr.
Premer-mınıstr bul jumysty kórshiles elderdiń ýákiletti memlekettik organdarymen úılestire otyryp, Reseı men Qytaıǵa qaraı logıstıkalyq baǵyttardy jáne Transkaspıı halyqaralyq kólik baǵytyn damytýdy jandandyrý qajettigin atap ótti.
Úkimet basshysynyń aıtýynsha, atalǵan tásil memleketter arasyndaǵy avtojoldardyń túıisken jerindegi «tar joldardy» tezirek joıýǵa jáne sonyń arqasynda júk aınalymyn edáýir arttyrýǵa múmkindik beredi.
«Halyqaralyq avtomobıl jáne basqa da logıstıkalyq dálizderdiń ótkizý qabiletin arttyrý qajet. Jalpy osy jumysqa serpin berý kerek. Sonymen qatar ótkizý beketterin jańartýǵa da nazar aýdarý qajet», dedi Álıhan Smaıylov.
Keńes qorytyndysy boıynsha QR IIDM-ge naqty tapsyrmalar berildi.