Bul týraly Túrkııanyń Qazaqstandaǵy elshisi Ýfýk Ekıdjı habarlady, dep jazady Egemen.kz.
Qazaqstan men Qyrǵyzstan eriktileri jibergen kıiz úıler Kahramanmarash qalasynda ornatyldy.
«Sonymen qatar biz Almatydan 100-ge jýyq kıiz úı jóneltýdi uıymdastyryp jatyrmyz. Bul bizdiń elshilik arqyly ótetinder ǵana. Basqa da adamdar ózderi jiberetin kıiz úıler bolýy múmkin», dedi Ýfýk Ekıdjı.
Buǵan deıin Qazaqstan men Qyrǵyzstan Túrkııadaǵy zardap shekkenderge kómek kórsetý úshin 84 kıiz úı jibergen edi.
Sońǵy málimetter boıynsha, Túrkııada bolǵan joıqyn jer silkinisteri 43,5 myńnan astam adamnyń ómirin qıǵan. Apat aımaǵynan 448 myńnan astam adam evakýasııalandy.
Polıseılerdiń málimetinshe, 564 adam jer silkinisinen zardap shekken aýdandarda úı salý normalaryn buzdy degen kúdikke ilingen. Kúdiktilerdiń 160-y qamaýǵa alyndy, keıbiri áli izdestirilip jatyr.
Úıindiler arasynan adamdardy izdeýge Tótenshe jaǵdaılar mınıstrliginiń qazaqstandyq qutqarýshylary da attanǵan. QR Tótenshe jaǵdaılar birinshi vıse-mınıstri Ibragım Kúlshimbaev qazaqstandyq qutqarýshylar jer silkinisi bolǵan aýmaqta táýlik boıy jumys istegenin aıtty.
Al 20 aqpanda Túrkııa men Sırııa shekarasynda magnıtýdasy 6,4 bolatyn taǵy bir jer silkinisi tirkelgen edi.