Qazaqstan mergenderi Kýveıtte ótip jatqan stendtik atýdan Azııa kýboginde 2 altyn, 1 kúmis jáne 2 qola medal enshiledi. Bul týraly Mádenıet jáne sport mınıstri Ashat Oralov Facebook paraqshasynda jazdy, dep habarlaıdy Egemen.kz.
«Sportshylar barlyq júldeni «skıt» jattyǵýynda — dóńgelek stendte atýdan jeńip aldy. Shymkenttik mergen Olga Panarına jekeleı jáne Ásem Orynbaı, Zoıa Kravchenko sııaqty sportshylardan jasaqtalǵan qurama sapynda komandalyq jarysta altyn aldy. Edýard Eshenko, Iýnýs Machjon jáne Artem Sedelnıkov bastaǵan erler quramasy kúmis júldege ıe boldy. Ásem Orynbaı men Edýard Eshenko qola júldege qol jetkizdi», dep jazdy mınıstr.
Ol týrnır barysynda bizdiń mergender jeńis tuǵyryna taǵy birneshe ret kóteriletinine senim bildirdi. Sportshylarǵa sáttilik tilep, Azııa kýboginiń sátti bastalýymen quttyqtady.