Birneshe aıdan keıin ǵarysh teleskopy qupııasy ashylmaı kele jatqan qara materııa men qara energııany zertteýge jiberiledi, dep habarlaıdy Egemen.kz.
Keńistiktiń 95 paıyzyn qurasa da qara materııa men qarańǵy energııa áli tolyq zerttelmegen. Adamzat úshin bul qupııa bolyp kele jatyr.
Bul týraly zertteý júrgizý úshin «Evklıd» jobasy jetekshileri aspan áleminiń 2 mıllıard galaktıkany qamtıtyn 3D kartasyn daıyndaýdy josparlap otyr. «Evklıd» teleskopy 10 mıllıard jaryq jyly qashyqtyǵyna deıin zertteı alady. Ǵalymdardyń aıtýynsha, bul ǵalamnyń qalaı damyǵany týraly tyń derekterge qol jetkizýge múmkindik beredi.
Bıiktigi 4,7 metr, eni 3,5 metr, salmaǵy eki tonna ǵarysh kemesi osy aptada Fransııanyń Kann qalasyndaǵy Thales Alenia ǵarysh kompanııasynda tanystyryldy.
Ol ǵaryshqa 1-30 shilde aralyǵynda SpaceX Falcon 9 zymyranymen ushyrylady. Ushyrylmastan buryn jaqyn arada sońǵy synaq ótkiziledi.
Basynda Evklıd teleskopy Reseıdiń «Soıýz» zymyranymen ǵaryshqa ushady dep josparlanǵan bolatyn. Biraq ótken jyly Máskeý Ýkraınaǵa basyp kirgen soń, Eýropalyq sanksııalarǵa baılanysty ushyrý keıinge qaldyrylǵan edi.