2023 jylǵy 1-3 naýryz aralyǵynda Qazaqstan Syrtqy ister mınıstriniń orynbasary Qanat Tumysh COVID-19-ǵa qarsy kúres jónindegi Qosylmaý qozǵalysynyń baılanys tobynyń otyrysyna qatysady, dep habarlaıdy Egemen.kz.
Is-shara Ázerbaıjan Respýblıkasynyń tóraǵalyǵy aıasynda Baký qalasynda ótedi jáne jahandyq postkovıdtik qalpyna keltirý taqyrybyna arnalady.
Qazaqstandyq delegasııa basshysynyń jalpy pikirsaıys sheńberinde sóz sóıleýi, sondaı-aq sheteldik delegasııalardyń basshylarymen birqatar ekijaqty kezdesý josparlanǵan.
1961 jyly qurylǵan Qosylmaý qozǵalysy qazirgi tańda Azııa, Afrıka, Latyn Amerıka, Eýropa jáne Okeanııanyń 120 memleketin biriktiredi. Uıymda, Qazaqstandy qosa alǵanda, taǵy 18 baıqaýshy el bar.