2022 jyly «Jumyskerdiń jeke isi» servısiniń kómegimen jumys berýshiler jumysqa úmitkerler men jumyskerlerden 34,8 myńnan astam elektrondyq qujattar paketin aldy, dep habarlaıdy Egemen.kz Eńbek jáne halyqty áleýmettik qorǵaý mınıstrligi baspasózine silteme jasap.
Bul servıs jumys berýshige qyzmetkerdiń kelisimimen jumysqa ornalasý úshin qajetti derbes derekterge qol jetkizýge múmkindik berý arqasynda áńgimelesý jáne jumysqa ornalasý prosesterin jeńildetýge arnalǵan.
Máselen, «Jeke is» servısiniń kómegimen árbir jumysker úshin derekter bazasy qalyptastyrylady - fotosýret, jeke kýálik derekteri, tólqujat, turaqty tirkeý mekenjaıy, bilimi, eńbek qyzmeti, 075/j anyqtamasy, psıhoterapevtke tirkelý/ esirtki/tútik. dıspanser jáne t.b. qyzmetker mobıldi azamattar bazasynda nemese HR.Enbek portalyndaǵy (budan ári – Portal) jeke kabınetinde tirkelgen nómirge jiberilgen SMS-habarlamaǵa jaýap berý arqyly jumys berýshige atalǵan jeke málimetterge qol jetkizýge kelisimin rastaıdy.
«Jeke is» servısiniń múmkindikterinen basqa, portalda jumys berýshilerge eńbek sharttary boıynsha málimetterge tirkeý, qaraý, túzetýler men tolyqtyrýlar engizý, áleýmettik demalystardy, aýdarymdardy tirkeý jáne kásiporyndy qaıta uıymdastyrý fýnksııalary qoljetimdi, eńbek zańnamasyn buzýshylyqtardyń bar-joǵyna anonımdi ne ruqsat etilgen test tapsyrýǵa múmkindik bar.
О́z kezeginde qyzmetkerler úshin portalda jeke kabınet iske asyryldy, onda olar óz sharttaryn kóre alady, jumys ornynan anyqtamany júkteı alady, sondaı-aq derbes derekterdi óńdeýge kelisimge qol qoıa alady.
Sondaı-aq portaldyń arqasynda eńbek qyzmetin túzetý servısi iske asyryldy. Máselen, E-gov portalyndaǵy jeke kabınette azamat tirkelgen eńbek shartynyń durystyǵyn teksere alady jáne ózekti emes málimetter anyqtalǵan jaǵdaıda olardy ózgertý úshin HR.Enbek portalyna qaıta baǵyttalady, onda ol eńbek shartyn buzý boıynsha ózgerister nemese aqparat engizý týraly suraý jibere alady.
Suraý salýdy qalyptastyrý úshin eńbek shartyna ózgerister engizý ne ony buzý kúnin, sebepterin kórsetý, rastaıtyn qujatty qosa berý jáne ESQ kómegimen qol qoıý qajet. Eńbek shartyn alyp tastaǵan kezde rastaıtyn qujatty qosa berýdiń qajeti joq. Joǵaryda kórsetilgen rásimderden keıin ýákiletti organ suraý salýdy qaraıdy jáne úsh jumys kúni ishinde sheshim qabyldaıdy.