Jýrnalısterge shabýyl uıymdastyrǵan kúdikti ustaldy

Kúdiktilerge Qylmystyq kodekstiń 115-baby «Qor­qytý», 147-baby «Jeke ómir­ge qol suǵý», 158-baby «Jýr­nalıstik qyzmetke kedergi keltirý», 202-baby «Bireýdiń múlkin qasaqana joıý nemese búldirý» jáne 293-baby «Buzaqylyq» boıynsha aıyp taǵylyp otyr.

Resmı málimetke súıensek, Almatydaǵy arandatýshylyq shabýyldardyń tikeleı úı­les­tirýshisi degen kúdikpen sheteldik azamat, bilikti haker O.Tokarev ustalǵan. Onyń ýaqytsha turyp jat­qan jerinen shabýyldardy bas­qarý, anonımdi Telegram-akkaýnttarda «tap­sy­rystar» berý, oryndaý­shylardy tabý jáne olar­dyń áreketine aqy tóleý júr­gi­zilgen tehnıka tabylǵan. Atal­ǵan top Vadım Boreıkoǵa, Gúlnar Bajkenovaǵa, Gúl­jan Erǵalıevaǵa, Samal Ibrae­­vaǵa jáne buqaralyq aq­parat quraldarynyń basqa da ókilderine qarsy 30-dan as­tam arandatýshylyq shabýyl jasaǵan.

Atap aıtqanda, kúdikti av­tokólikti órteý, jýrnalıs­ter­ge, olardyń týystary men redaksııalarǵa qoqan-loqy kórsetip, saıtqa DDoss shabýyl jasaýǵa tapsyrys bergen. Resmı mekemeniń habar­laýynsha, qylmystyq toptyń basty maqsaty – jýrnalıs­terge osyndaı shabýyl jasaý arqyly Prezıdent pen júrgizilip jat­qan demo­kra­tııalyq reformalardy dıskredıtasııalaý. Kúdikti ýaqytsha ustaý ızolıatoryna qamaldy. Tergeý múddesine baılanysty basqa málimetter jarııa etilmeıdi.

«Almaty mamandan­dy­rylǵan aýdan­aralyq tergeý sotynyń 2023 jyly 24 aq­pandaǵy aqparaty boıynsha, sot qaýlysymen tergeý or­gandarynyń kúdikti T-ny eki aıǵa qamaýǵa alý túrindegi bul­tartpaý sharasy týraly ótinishi qanaǵattandyryldy. Iаǵnı 2023 jyldyń 22 sáýirine deıin», delingen sot habarlamasynda.

Buǵan deıin Ishki ister mınıs­tr­ligi keıingi jarty jylda jýr­nalıster men blogerlerge qatys­ty zańsyz áreketter jasa­ǵan 18 adam ustalǵanyn habar­laǵan edi.

«Jábirlenýshilerge qatysty jyljymaıtyn mú­likke qasaqana zaqym keltirý, avtokólikterdi órteý, olarǵa ártúrli zattardy jóneltý ar­qyly qorqytý faktileri, já­birlenýshilerdiń mekenjaılary boıynsha terrorızm aktisi týraly kórineý jalǵan habarlamalar jáne Internet jelisinde derbes derekterin taratý faktileri jasaldy. Osy qylmystardy ashý úshin vedomstvoaralyq jedel-tergeý toby quryldy. Buǵan qatysy bar 18 adam ustaldy», degen edi IIM.

Esterińizde bolsa, buǵan deıin jýrnalıster men blogerlerge birneshe ret shabýyl jasalǵan edi. Máselen, belgisiz bireýler Vadım Boreıkonyń páterin syrtynan bekitip ketýge tyrysqan. Sondaı-aq taıaýda jýrnalıst pen onyń operatorynyń kóligin órtep ketti. Al 14 qańtarda belgisiz adamdar jýrnalıst Dınara Egeýbaevanyń avtokóligine ot qoıyp ketken-tuǵyn. Sondaı-aq birqatar saıtqa shabýyl jasalyp, redaksııalarǵa qo­qan-loqy kórsetilgen «sá­lem­demeler» jetkizilgen-di.

Prezıdenttiń baspasóz hat­shysy Rýslan Jeldibaı áleýmettik jelidegi paraq­sha­synda Memleket basshysy Qasym-Jomart Toqaev quqyq qorǵaý organdaryna jýrnalısterge qarsy qylmystarǵa qatysty tapsyrma bergenin habarlaǵan.

«Prezıdent quqyq qorǵaý organdaryna jýrnalısterge qarsy baǵyttalǵan birqatar qylmys boıynsha muqııat tergeý júrgizýdi tapsyrdy. Qo­ǵamdyq qaýipsizdik pen mem­lekettiń bedeline nuqsan kel­tirý úshin jasalǵan bul zańsyz áreketterdiń oryndaýshylary ǵana emes, tapsyrys berýshileri de anyqtalýǵa tıis», delingen jazbada.