Short-trekshiler Kýzbass oblysynda ótip jatqan «Azııa balalary» II qysqy oıyndaryn tabysty aıaqtady. Myń metrge jarysta Meıirjan Tólegen altynnan alqa taqsa, Madııar Madıhov qola júldeger atandy. Al Əlibı Əlimgereev pen Erasyl Shyńǵyshan 4-shi jəne 5-orynnan kórindi, dep habarlaıdy Egemen.kz.
Osyǵan deıin short-trekshiler 4 júlde jeńip alǵan edi.
Sportty damytý dıreksııasynyń baspasóz qyzmeti málimdegendeı, alǵashqy kúni 1500 metrde Meıirjan Tólegen kúmis, Malıka Joltabar qola júldeger atandy. Al keshe 3 shaqyrym estafetada uldar quramasy mərege 2-shi, qyzdar 3-shi bolyp kelgen.
«Sońǵy kúni altyn medal alýǵa barymyzdy saldyq. Bizge jetpeı turǵany sol ǵana edi. Jalpy enshimizde 6 júlde bar. Menińshe, barlyq sportshy jaqsy óner kórsetti. Ərqaısysy kem degende elge bir júldemen oralady. 2019 jylǵy alǵashqy oıyndarda bir altyn, bir kúmiske ıe bolǵan edik. Osy joly sol kórsetkishti jaqsartqanymyzǵa qýanyshtymyn», dedi short-trekten ulttyq quramanyń bas bapkeri Danabek Haırov.