AQSh Prezıdenti Donald Tramp Irandaǵy jaǵdaıǵa qatysty mańyzdy úndeý jasaıdy. Bul týraly Tramp ákimshiliginiń baspasóz hatshysy Karolın Lıvıtt málimdedi, dep habarlaıdy Egemen.kz.
Baspasóz hatshysynyń aıtýynsha, AQSh basshysy sársenbi kúni Vashıngton ýaqytymen saǵat 21:00-de arnaıy úndeýmen shyǵady. Onda Iranǵa qatysty sońǵy mańyzdy aqparattar beriledi dep kútiledi.
Tramp Irannyń energetıkalyq nysandaryna soqqy jasaýy múmkin
«AQSh prezıdenti Donald Tramp sársenbi kúni saǵat 21:00-de Iran boıynsha mańyzdy jańartylǵan aqparatty usyný úshin arnaıy úndeý jasaıdy», dep jazdy Karolın Lıvıtt.
Iran Taıaý Shyǵystaǵy Microsoft, Apple, Google jáne Meta nysandaryna shabýyl jasamaq
Aıta keteıik, 31 naýryz keshke AQSh prezıdenti Iranǵa qarsy operasııany «óte jaqyn arada» aıaqtaıtynyn málimdegen bolatyn. Onyń sózinshe, amerıkandyq áskerılerdiń basym bóligi eki-úsh apta ishinde Taıaý Shyǵystan shyǵarylady.
Eske sala keteıik, dúısenbi kúni Iran Dýbaı mańynda munaı tankerine shabýyl jasady. Osy tusta AQSh prezıdenti Donald Tramp eger Iran Ormuz buǵazyn ashpasa, Amerıka onyń energetıkalyq nysandary men munaı ken oryndaryn jermen-jeksen etetinin málimdedi.