EQYU sarapshylary Qazaqstanda júzege asyrylǵan saılaý júıesiniń reformasynyń keıbir erejeleri Demokratııalyq ınstıtýttar jáne adam quqyqtary jónindegi bıýrosynyń aldyńǵy ustanymdaryna sáıkes keletinin málimdedi. Bul týraly Syrtqy ister mınıstriginiń resmı ókili Aıbek Smadııarov aıtty, dep habarlaıdy Egemen.kz.
3 naýryzda Eýropadaǵy qaýipsizdik jáne yntymaqtastyq jónindegi uıymnyń Demokratııalyq ınstıtýttar jáne adam quqyqtary jónindegi bıýrosy aldaǵy QR Parlamentine saılaýdy baıqaý jónindegi mıssııanyń aralyq esebin jarııalady.
«Demokratııalyq ınstıtýttar jáne adam quqyqtary jónindegi bıýrosy baıqaýshylarynyń mıssııasy saılaý prosesterin uıymdastyrý sharttaryn jáne olardyń halyqaralyq standarttarǵa sáıkestigin taldaıdy. Atalǵan esepte sarapshylar Qazaqstanda júzege asyrylǵan saılaý júıesiniń reformasyna oń baǵa berip, onyń keıbir erejeleri Demokratııalyq ınstıtýttar jáne adam quqyqtary jónindegi bıýrosynyń aldyńǵy usynymdaryna sáıkes keletinin málimdedi. Atap aıtqanda, bul saılaý shegin tómendetý, tikeleı daýys berý arqyly tolyq saılanatyn Májilisti engizý, sondaı-aq partııalardy tirkeýge qoıylatyn talaptardy jeńildetý», dedi A.Smadııarov.
Sonymen qatar Ortalyq saılaý komıssııasynyń saılaýdy uıymdastyrý jónindegi jumysy oń baǵalandy. Internette ári kóptegen kandıdattary bar bir mandatty saılaý okrýgterinde qyzý saılaý naýqany atap ótilgen.
Esepti Eýropadaǵy qaýipsizdik jáne yntymaqtastyq jónindegi uıymynyń saıtynda tolyǵymen kórýge bolady.