Qoldan jasalǵan qymbatshylyq

Oblystyq statıstıka de­par­tamentiniń málimetine súıen­sek, bıylǵy qańtarda byl­tyr­ǵy jeltoqsanmen salys­tyr­ǵanda, azyq-túlik taýarla­rynyń baǵasy – 1,1%, al azyq-túlik emes taýarlar 0,8%, aqyly qyz­metter 0,1%-ǵa qymbat­ta­ǵan. Máselen, qańtar aıyn­da joǵary surypty bıdaı úshin ortasha baǵa ósimi 6,1%-ǵa jet­ken. Al kúnde­lik­ti tutynatyn jemister men kók­ónister – 3,2%, kúrish – 2,9%, jumyrtqa – 2,5%, jarma­lar – 1,9%, makaron ónimderi – 1,4%, maı jáne toń maıdyń baǵa­sy 1,2%-ǵa joǵarylaǵany baıqa­lyp otyr. Sút – 0,8%, kon­dı­terlik taǵamdar men et – 0,5%, ba­lyq jáne teńiz ónimderi – 0,4%, alkogoldi ishimdikter – 0,3%, temeki baǵasy 0,2%-ǵa ósken.

Jyldyń alǵashqy aıynda ózge de taýarlardyń baǵasy qymbattaǵany ańǵarylady. Máselen, jýǵysh jáne tazala­ǵysh quraldary – 1,4%, jeke gıgıenalyq maqsatta qolda­natyn taýarlar – 1,3%, kıim jáne aıaqkıim túrleri – 0,8%, farmasevtıkalyq ónimder 0,6%-ǵa qymbattap shyǵa kelgen. Sondaı-aq jolaýshylar kóliginiń qyzmeti – 1,3%, ambýlatorııalyq qyzmet quny 0,4%-ǵa joǵarylaǵan.

Oblystyq kásipkerlik jáne týrızm basqarmasynyń basshysy Nurbol Jańabekovtiń málimetinshe, deldaldyq qyz­met­pen aınalysatyn kásip­kerler áleýmettik mańyzy bar azyq-túliktiń qymbattaýyna sebep bolyp otyr. Ol mun­daı dáleldi derekti arnaıy komıs­sııanyń azyq-túlik ónimderin satýdyń deldaldyq tizbegin anyq­taý maqsatynda ótkizgen otyrysynan keıin málim etti.

– Komıssııa otyrystarynyń nátıjesinde dúkenderge áleý­mettik mańyzy bar sary maı, taýyq eti men sút ónimderin jetkizetin deldaldar ústeme baǵa­ny 15%-dan asyryp jiber­geni anyqtaldy. Keıbir kásip­kerler sary maıdyń baǵasyna 82% ústeme baǵa qosyp, sýpermarket jelilerine jetkizgen. Kásipkerlik sýbektisi sanalatyn deldalmen aqparattyq-túsindirý jumysy júrgizildi,  deıdi N.Jańabekov.

Al byltyrǵy qarasha-jel­toqsan aılarynda oblysta tuz baǵasy kúrt ósip, 60 teńgeden 76 teńgege deıin jetti. Bul ónimdi shetelden jáne basqa óńirlerden tasymaldaýshylar baǵanyń óskenin logıstıkalyq shyǵynnyń kóptigimen túsin­dirýge tyrysqan. Keıbir ká­sip­kerler túrli syltaýmen azyq-túlik baǵasyn qoldan qym­battatatyny jasyryn emes. Alaıda qazir saýda nysandarynda aıtarlyqtaı logıstıkalyq shyǵyndardy talap etpeıtin jergilikti tuz orta eseppen 47-55 teńgeden satylyp jatyr.

– Azyq-túlik baǵasyn negizsiz ósirgen deldaldarǵa, jalpy quqyq buzǵan adamdarǵa eskertý berildi. Mundaı jaıt qaıtalanatyn bolsa, tıisti zańdylyqqa sáıkes aıyppul salynady. Áleýmettik mańyzy bar azyq-túlikterdiń baǵasyna qosylatyn ústeme 15%-dan aspaýǵa tıis. Eger ús­te­me baǵa bul shekten asatyn bolsa, onda oǵan jaýapty tulǵa «Saýda qyzmetin retteý týraly» zańynyń 9-babynyń 2-tarmaǵyna sáıkes jaýapqa tartylady, dep málimdedi N.Jańabekov.

Atyraý oblysy