Ulttyq bank tóraǵasynyń orynbasary Álııa Moldabekova aqpan aıynda teńgeniń nyǵaıýyna qandaı jaǵdaı áser etkenin aıtty, dep habarlaıdy Egemen.kz.
Onyń aıtýynsha, aqpanda teńgeniń nyǵaıýy shamamen 3,2% boldy.
«Birinshiden, mundaı dınamıka iri salyq tólemderiniń maýsymdylyǵyna baılanysty kútildi, sebebi, aqpannyń ekinshi jartysy «úlken» salyq aptasy boldy», dedi Álııa Moldabekova
Ulttyq bank ókiliniń sózinshe, erkin ózgermeli baǵamǵa kóshý bastalǵannan beri aqpannyń sońǵy eki aptasy teńge úshin oń boldy.
«Ekinshiden, aqpan ishinde valıýta naryǵynda pozıtıv jetkilikti boldy – iri toqsandyq salyq aptalyǵynan basqa, biz Qarjy mınıstrliginiń memlekettik baǵaly qaǵazdaryna beırezıdentterdiń aǵynyn baıqadyq», dep qosty ol.
Onyń aıtýynsha, valıýta naryǵyna kvazımemlekettik kompanııalardyń satylymy da qoldaý kórsetti, aqpanda olardyń kólemi 295 mln AQSh dollaryna teń boldy.
«Bıýdjetke transfertti qamtamasyz etý aıasynda Ulttyq qordan satý 590 mln AQSh dollaryna teń boldy, bul rette bir saýda kúni ishinde satý kólemi 30 mln AQSh dollarynan aspady. Zeınetaqy aktıvteriniń valıýtalyq úlesin qoldaý aıasynda BJZQ 226 mln AQSh dollaryn satyp aldy», dedi Ulttyq bank ókili.