Semeıdegi jumyspen qamtý bóliminiń burynǵy bastyǵy jergilikti turǵynnan alǵan parasy úshin 85 mıllıon teńge aıyppul tóleýge tıis, dep habarlaıdy Egemen.kz.
Qylmystyq kodekstiń 366-babynyń 2-tarmaǵy, 367-babynyń 2-tarmaǵy boıynsha para alý jáne berý týraly is 2022 jylǵy qarashada qarala bastaǵan. Abaı aýdanynyń soty qylmystyq isti qarap, úkim shyǵardy.
Sottyń baspasóz qyzmetiniń málimetinshe, K esimdi azamat Semeı qalasynyń jumyspen qamtý, áleýmettik baǵdarlamalar jáne azamattyq hal aktilerin tirkeý basqarmasynyń bastyǵy bola otyryp, Iý-dan óziniń laýazymdyq ókilettigine kiretin áreketteri úshin 1,7 mln teńge kóleminde para alǵan. Qyzmetker 1 jastan 6 jasqa deıingi az qamtylǵan otbasylardan shyqqan balalarǵa kepildendirilgen áleýmettik paketti usynǵan. Sot otyrystary barysynda sottalýshylardyń kinási is boıynsha jınalǵan dáleldemelermen: sottalýshylardyń aıǵaqtarymen, jedel is-sharalar materıaldarymen jáne jasyryn tergeý áreketterimen, sondaı-aq sottalýshylardyń jeke tekserý hattamasymen tolyq dáleldendi.
«Sot jaza taǵaıyndaý kezinde qylmystyq jaýaptylyq pen jazany jeńildetetin jáne aýyrlatatyn mán-jaılardy eskergen. Sot Jumyspen qamtý, áleýmettik baǵdarlamalar jáne Semeı azamattyq hal aktilerin tirkeý basqarmasynyń burynǵy basshysyna 85 500 000 teńge kóleminde aıyppul taǵaıyndady. Al para berýshige 51 300 000 teńge kóleminde 30 ret aıyppul salyndy», dedi № 2 sottyń baspasóz qyzmeti.