Búgin qazaqstandyq MMA faıteri Qýat «Naıman» Hamıtov MMA-Series-tiń qazirgi chempıony (burynǵy M-1) Bobýr Abdýlazızovpen kezdesedi, dep habarlaıdy Egemen.kz Prosports.kz-ke silteme jasap.
Dál qazir Atyraýda Mergen FC lıgasy uıymdastyrǵan kesh ótip jatyr. Onda promoýshenniń eki chempıony anyqtalady.
57 kelige deıingi salmaqta qazaqstandyq Talǵat Jumaǵalıev (9-4-1) groznyılyq «Ahmat» klýbynyń ókili reseılik Djohar Eskıevpen (9-3) vakantty chempıondyq belbeýdi sarapqa salady.
Jartylaı jeńil salmaqta jergilikti faıter Shyńǵys Kamal (3-0) men jeńilip kórmegen qyrǵyzstandyq Nazarbek Álimjanov (3-0) chempıondyq ataqqa talasady.
Sondaı-aq keshte Nurbergen Sháripov, Qanat Keldibekov, Isataı Temirov, Edil Esenǵulov jáne basqa da faıterler oktagonǵa shyǵady.