Rýanda astanasy Kıgalıde ótken 73-shi Halyqaralyq fýtbol qaýymdastyqtarynyń (FIFA) kongresine Qazaqstan fýtbol federasııasynyń prezıdenti Ádilet Barmenqulov, bas hatshysy Oljas Abraev jáne halyqaralyq departament dırektory Aıan Áljanov qatysty, dep habarlaıdy Egemen.kz.
Kongrestiń kún tártibinde 2022 jyldyń qorytyndysy men qarjylyq esebi qabyldanyp, 2024 jyldyń bıýdjeti bekitilip, 2023-2025 jyldarǵa aýdıtorlar taǵaıyndaldy.
Qazaqstandyq delegasııa Kongreste ózge ulttyq qaýymdastyqtarmen yntymaqtastyqty ári qaraı jalǵastyrý boıynsha birqatar mańyzdy kezdesý ótkizdi.
FIFA prezıdentin saılaý jıynnyń eń mańyzdy bóliginiń biri boldy. Djannı Infantıno 2027 jylǵa deıin uıymnyń basshysy laýazymyna qaıta saılandy.
QFF prezıdenti Ádilet Barmenqulov Djannı Infantınony jańa merzimge qaıta saılanýymen quttyqtap, álemde fýtboldy damytý jolynda tabys tiledi.
Kelesi FIFA kongresi 2024 jyldyń 17 mamyryna josparlanǵan. О́tetin jeri keıinirek belgili bolady.