Atyraý oblysynda kózi kórmeıtin Dúısáli Qaldybaı saılaý ýchaskesine kelip, óz tańdaýyn jasady, dep habarlaıdy Egemen.kz.
Ol Jylyoı aýdanynyń ortalyǵy – Qulsary qalasynda turady. Kózi kórmese de ómirge qushtarlyǵyn joımaǵan. Únemi belsendi bolyp júredi.
Túrli saıystarǵa qatysyp, kórkemsóz oqýdyń sheberi atanǵan zaǵıp jan saılaýda da belsendiligin tanytty. Búgin ol Qulsary qalasyndaǵy №97 saılaý ýchaskesine tańǵy saǵat 7:00-de kelip, daýys berdi.
Ony saılaý ýchaskesine uly alyp kelgen. Ýchaskelik saılaý komıssııasy alǵashqy bolyp daýys bergen Dúısáli Qaldybaıǵa arnaıy syılyq usyndy.