Shymkenttegi daıyn saılaý hattamalarynyń áleýmettik jelide taralýy qoǵamda saıası naýqannyń ádildigine baılanysty ekiudaı pikir týǵyzyp jibergeni ras. Osyǵan oraı Shymkent qalalyq aýmaqtyq saılaý komıssııasynyń tóraǵasy Qaıyrbek Qunanbaev beınajazba arqyly arnaıy málimdeme jasady.
«Áleýmettik jelilerde taralyp jatqan saılaý ýchaskeleriniń qorytyndy hattamalary boıynsha beınerolıkterdiń shyndyqqa janaspaıtynyn habarlaımyn. Beınerolıkte kórsetilgen qujattar myjylǵan, olarda eshqandaı qoltańba men mór qoıylmaǵan. Rolıkte kórsetilgen málemetterdi taza arandatýshylyq dep esepteımin. Hattamalar tek saılaý qorytyndysyna sáıkes toltyrylady jáne nátıjesi jarııalanady. Osy is tıisti organdar tarapynan tekserilip, quqyqtyq baǵasy beriledi», dedi ol.
Osy oraıda Shymkent qalalyq aýmaqtyq saılaý komıssııasy tóraǵasynyń orynbasary Almasbek Mamytbekov saılaý kezinde qandaı da bir óreskel zań buzýshylyqty baıqaǵan azamattar prokýratýraǵa, polısııaǵa jáne saılaý komıssııasyna shaǵym túsirýge quqyǵy bar ekenin jetkizdi.
Parlament Májilisi jáne máslıhattar depýtattarynyń saılaýynda Shymkent qalasynan 330 saılaý ýchaskesi ashylyp, onda 639 663 saılaýshy tirkelgen. Sonymen birge saıası dodanyń ótý barysyn baqylaýǵa TMD-dan 8, EQYU-dan 24 baıqaýshy keldi.
ShYMKENT