QS World University Rankings by Subject 2023 (QS WUR by Subject) álemdik reıtınginiń qorytyndysy boıynsha ál-Farabı atyndaǵy QazUÝ – qazaqstandyq jáne Ortalyq Azııanyń joǵary oqý oryndary arasynda daıyndyq baǵyttarynyń 14 baǵyty jáne bes pándik salanyń tórteýi boıynsha joǵary nátıje kórsetti.
Bıyl ýnıversıtet «Geografııa» baǵyty boıynsha alǵash ret 151-200 pozısııasyn ıelenip, álemdegi eń úzdik 200 ýnıversıtettiń qataryna endi. Sondaı-aq «Fılosofııa» baǵyty boıynsha kórsetkishterin jaqsartyp, top 101-150-ge endi. Sonymen qatar bıyl Ál-Farabı atyndaǵy QazUÝ-dyń 542 bilim berý baǵdarlamasynyń 25 paıyzy QS by Subject reıtıngine endi, bul ótken jylmen salystyrǵanda 4 paıyzǵa artyq.
Bes daıyndyq baǵyty boıynsha QazUÝ óziniń ótkenjylǵy joǵary pozısııalaryn saqtap qaldy: «Arheologııa», «Aǵylshyn tili men ádebıeti» – 151-200, «Matematıka» – 251-300, «Fızıka jáne astronomııa» – 451-500, «Hımııa» – 501-550.
QS by Subject reıtınginde QazUÝ-dyń jetekshi pozısııalaryn nyǵaıtýyna ýnıversıtettiń ozyq ǵylymı qaýymdastyqtarmen, otandyq jáne álemniń áleýetti jumys berýshilerimen jemisti yntymaqtastyq baılanysta bolýy yqpalyn tıgizdi. QS by Subject reıtıngi JOO-ny bes ındıkator negizinde: ýnıversıtetterdiń akademııalyq bedeli, túlekter týraly jumys berýshilerdiń pikirleri, professor-oqytýshylar quramynyń ǵylymı maqalalaryna siltemeler jasalý deńgeıi, olardyń Hırsh ındeksi jáne ýnıversıtettiń álemge áıgili uıymdarmen halyqaralyq zertteý baılanystary boıynsha baǵalaıdy.
Ál-Farabı atyndaǵy QazUÝ ǵalymdarynyń jarııalanymdyq belsendiliginiń joǵary deńgeıi jáne ýnıversıtettiń 500-den astam jetekshi sheteldik joǵary oqý oryndarymen yntymaqtastyqta bolýy zertteý ýnıversıteti mártebesin jáne strategııalyq maqsatyna qol jetkizýge dáıektiligin rastaıdy.