Qyzylorda oblysyndaǵy aýyldardyń birinde jappaı tóbeles boldy, dep habarlaıdy Egemen.kz.
Oqıǵa kadrlary áleýmettik jelide paıda boldy. Vıdeo sıpattamasynda tóbeles Qazaly aýdanynda bolǵany aıtylǵan. Kadrlardan aýyldyń ortalyq kósheleriniń birinde adamdar júgirip júrgenin kórýge bolady. Basqa kadrlarda olardy polısııa qýyp kele jatqany baıqalady.
Quqyq qorǵaý organdary málimetinshe, 26 naýryzda túngi saǵat 2 shamasynda Qazaly aýdandyq polısııa bólimine habarlama kelip túsken. Onda túnde Áıteke bı kentindegi Pirimov kóshesinde shý shyǵarǵan bir top adam týraly aıtylǵan.
«Oqıǵa ornyna jedel túrde polısııa jasaqtary jetti, qabyldanǵan jedel sharalar nátıjesinde segiz adam polısııa bólimine jetkizildi, qalǵandaryn anyqtaý jumystary júrgizilip jatyr. Zardap shekkender joq. Polısııaǵa shaǵymdar men aryzdar túsken joq», dedi polısııadaǵylar.
Derek Qylmystyq kodekstiń 293-baby 2-bóligi 1-tarmaǵy boıynsha Sotaldy tergep-tekserýdiń biryńǵaı tizilimine tirkelgen. Qazir tergeý amaldary júrgizilip jatyr.
«Aýdanda qoǵamdyq tártipti qamtamasyz etý maqsatynda patrýldik polısııa men ýchaskelik ınspektorlar kúsheıtilip, profılaktıkalyq jumystar júrgizilip jatyr. Aýdanda qylmystyq ahýal turaqty», dep qosty polıseıler.