Aqmola turǵyny qurylys alańynda aýyr jaraqat aldy, dep habarlaıdy Egemen.kz Polisia.kz-ke silteme jasap.
Kókshetaý qalasynyń polısııa basqarmasyna «Oń jaqtaǵy bilektiń úshten bir bóliginiń travmatıkalyq ampýtasııasy, oń jaqtaǵy ıyqtyń jabyq synýy» dıagnozymen stasıonarǵa er adamnyń jetkizilgeni týraly oblys ortalyǵynyń medısına mekemeleri qyzmetkeriniń telefon arqyly habarlamasy kelip tústi.
Jazataıym oqıǵa 28 naýryz kúni jumys ornynda bolǵan. Qurylys jumystary kezinde er adamnyń qoly beton aralastyrǵysh arasynda qalyp qoıǵan. Jábirlenýshi, Shýchınsk qalasynyń 49 jastaǵy turǵyny aýrýhanaǵa jatqyzyldy.
Polısııa basqarmasy osy derekke qatysty QR QK-niń 156-babynyń 2-bóligi (Eńbekti qorǵaý erejelerin buzý) boıynsha sotqa deıingi is júrgizýdi bastady.
Qazirgi ýaqytta memlekettik eńbek ınspektory tekserý júrgizip jatyr, sot-medısınalyq saraptama taǵaıyndaldy.