Energetıka mınıstrligi bekitken munaı tasymaly kestesine sáıkes, «QazTransOıl» AQ sáýir aıynda 100 myń tonna mólsherinde qazaqstandyq munaıdy «Drýjba» munaı qubyrymen «Adamova zastava» munaı beketi arqyly ári qaraı Germanııaǵa jetkizýdi josparlap otyr, dep habarlady Egemen.kz kopanııanyń resmı saıtyna silteme jasap.
Bıyl aqpan-naýryz aılarynda «QazTransOıl» AQ Germanııaǵa 40 myń tonna mólsherinde qazaqstandyq munaı jóneltti.
2022 jyldyń jeltoqsan aıynda «QazTransOıl» AQ 2023 jyly 1,2 mln tonna qazaqstandyq munaıdy «Transneft» JAQ magıstraldy munaı qubyrymen «Adamova zastava» munaı beketi arqyly Germanııaǵa jetkizýge ótinim bergen bolatyn.
Munaıdyń bul tranzıti Qazaqstan men Reseı Úkimeti arasyndaǵy 2002 jylǵy 7 maýsymdaǵy kelisim sheńberinde júzege asady.