Memleket basshysynyń Jarlyǵymen Roman Vasılevıch Sklıar Qazaqstan Respýblıkasy Premer-mınıstriniń birinshi orynbasary laýazymyna taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
Roman Sklıar 1971 jylǵy 8 mamyrda Pavlodar qalasynda dúnıege kelgen.
Pavlodar memlekettik ýnıversıtetin «Injener-qurylysshy» mamandyǵy boıynsha, sondaı-aq Máskeý qazirgi zaman bıznes ınstıtýtyn «Ekonomıst» mamandyǵy boıynsha jáne Qazaq quqyqtaný jáne halyqaralyq qatynastar ınstıtýtyn «Zańger» mamandyǵy boıynsha bitirgen.
Eńbek jolyn 1989 jyly «Ekıbastýzýgleavtomatıka» montajdaý-jóndeý basqarmasynda slesar-montajshy qyzmetinen bastaǵan.
1989–1990 jj. «Kazpromtehmontaj» sharýashylyq-montajdaý basqarmasynyń montajdaýshysy boldy.
1990 j. bastap «Vahınvest» birlesken keńes-batys-german kásipornynyń qaýipsizdik jónindegi ınjeneri bolǵan.
1990–1999 jj. «Ansat-Pavlodar» JShS kommersııalyq bóliminiń bastyǵy, dırektordyń orynbasary, bas dırektor qyzmetterin atqardy.
1999–2002 jj. «Tynys» JShS dırektory boldy.
2002–2003 jj. Qazaqstan Respýblıkasy Qarjy mınıstrliginiń dármensiz qaryzgerlermen jumys komıteti Pavlodar oblysy boıynsha basqarmasynyń bólim bastyǵy bolǵan.
2003–2005 jj. Pavlodar qalasy memlekettik satyp alý basqarmasynyń bastyǵy.
2005 jyldyń qantar aıynan bastap Pavlodar oblysy ákiminiń bas ınspektory qyzmetin atqardy.
2005 j. sáýirden bastap Pavlodar oblysynyń ákimi Apparatynyń basshysy.
2006 j. bastap Pavlodar qalasy ákiminiń orynbasary.
2006–2007 jj. Astana qalasynyń ákimi apparatynyń ınfraqurylymdy damytý bóliminiń meńgerýshisi.
2007–2008 jj. Astana qalasynyń Energetıka jáne kommýnaldyq sharýashylyq departamentiniń dırektory.
2008–2010 jj. Pavlodar oblysy ákiminiń orynbasary.
2010–2011 jj. Pavlodar oblysy ákiminiń birinshi orynbasary.
2011–2013 jj. Qazaqstan Respýblıkasynyń Kólik jáne kommýnıkasııa vıse-mınıstri.
2014–2016 jj. «Qazaqstan Temir Joly» AQ vıse-prezıdenti.
2016 j. Qazaqstan Respýblıkasy Májilisiniń depýtaty, QR Parlamenti Májilisiniń Ekonomıkalyq reforma jáne óńirlik damý komıtetiniń tóraǵasy.
2016 j. mamyrdan bastap Qazaqstan Respýblıkasynyń Ulttyq ekonomıka vıse-mınıstri.
2016–2019 jj. - Investısııalar jáne damý birinshi vıse-mınıstri.
2019 jylǵy aqpannan bastap Qazaqstan Respýblıkasynyń ındýstrııa jáne ınfraqurylymdyq damý mınıstri qyzmetine taǵaıyndalǵan.
2019 jylǵy 18 qyrkúıekten bastap QR Prezıdentiniń Jarlyǵymen QR Premer-mınıstriniń orynbasary bolyp taǵaıyndaldy. 2021 jyly 18 qańtarda QR Prezıdentiniń Jarlyǵymen osy qyzmetine qaıta taǵaıyndaldy.
2022 jylǵy 11 qańtarda QR Prezıdentiniń Jarlyǵymen Qazaqstan Respýblıkasy Premer-mınıstriniń birinshi orynbasary bolyp taǵaıyndaldy.