Almaty qalalyq PD kóshi-qon qyzmetiniń málimetinshe, bıylǵy jyldyń alǵashqy úsh aıynda qalaǵa 21805 shetel azamaty kelgen. Bul ótken jyldyń sáıkes kezeńimen salystyrǵanda 2,5 esege kóp, dep habarlaıdy Egemen.kz.
– Kóshi-qon zańnamasyn buzýshylyqtardy anyqtaý jáne zańsyz kóshi-qon arnalaryn joıý boıynsha turaqty negizde jedel aldyn alý is-sharalar júrgizilip jatyr. Jyl basynan beri 6472 adam ákimshilik jaýapkershilikke tartylsa, onyń 1738-i shetel azamaty. Ákimshilik jolmen 248 sheteldik elden shyǵaryldy. PD-nyń qabyldap-taratý bólimine jeke basyn kýálandyratyn qujaty joq 365 shetel azamaty ornalastyryldy, – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.
Sonymen qatar sheteldik jumys kúshin paıdalaný erejelerin buzǵan 47 jumys berýshi ákimshilik jaýapkershilikke tartyldy. Jyl basynan beri zańsyz kóshi-qonnyń 11 arnasy anyqtaldy.