Astanada «Qazaqstan Respýblıkasynyń jalpy ákimshilik quqyǵy» atty kitabynyń tusaýy kesildi. Týyndy avtory – zań ǵylymdarynyń doktory Roman Melnık. Saltanatty is-shara elimizdegi belgili oqý oryndarynyń biri Maqsut Narikbayev University-inde ótti.
Is-sharada avtor Roman Melnık habarlama jasap, jıyn qatysýshylaryna jańa eńbeginiń mazmun men negizgi erejelerine sholý jasady. Úsh tomdyq oqýlyqta Qazaqstan Respýblıkasynyń jalpy ákimshilik quqyǵynyń negizgi erejeleri kórsetilip, quqyq qoldaný praktıkasyna basa nazar aýdarylǵan. Tarıhı, halyqaralyq jáne ulttyq tájirıbe erekshelikteriniń obektıvi arqyly jekelegen ákimshilik-quqyqtyq normalary men ınstıtýttary jan-jaqty taldanypty.
Jıynda ýnıversıtet prorektory Sergeı Pen ujym úshin bul formattaǵy oqýlyqtyń mańyzdylyǵyn aıtyp, kelesi professor Múslim Hasenovtyń eńbek quqyǵy boıynsha týyndynyń tusaýkeserin jarııalady.
– Oqý ordamyz uzaq ýaqyt boıy oqýlyqtar shyǵarmady. Búgin biz ózimizdiń kózqarasymyz ben túsinigimizdi sál ózgertip, kitap shyǵarý tájirıbemizdi qaıta jandandyrdyq. Maqsut Narikbayev university brendimen jurtshylyqqa jol tartatyn týyndylar óz isiniń etıkasynyń joǵary deńgeıimen tolyqtyrylady. Osy rette biz zań ǵylymynyń jańa bir tynysyn ashtyq deı alamyn, – dedi ol.
Kitap zań baǵytyndaǵy joǵary oqý oryndarynyń stýdentterine, zań salasynyń ókilderine, sondaı-aq ákimshilik quqyqtyq máselelerdi zertteýmen aınalysatyn ǵalymdarǵa arnalǵan.