Astanada klassıkalyq shahmattan álem chempıony ataǵyna talasyp jatqan Iаn Nepomnıashıı men Dın Lıjen arasyndaǵy matchtyń 9-partııasy aıaqtaldy, dep habarlaıdy Egemen.kz.
Oıynnyń alǵashqy sımvolıkalyq júrisin Qazaqstan halqy Assambleıasy tóraǵasynyń orynbasary Marat Ázilhanov jasady.
Bul kezdesýde Nepomnıashıı aq, al Lıjen qara fıgýralarmen oınady.
Qytaılyq shahmatshynyń qateligin paıdalanǵan Reseı sportshysy jeńiske jetti. Osylaısha Iаn Nepomnıashıı jalpy esepte 5:4 esebimen alǵa shyqty.
Aıta keteıik, jarys 14 partııadan turady. Alaıda, oıynshylardyń bireýi 7,5 upaı jınasa, merziminen buryn álem chempıony atanýy múmkin. Al shahmatshylar teń tússe, jeńimpaz jyldam shahmat boıynsha pleı-offta anyqtalady.
Aıta ketsek, jarystyń júlde qory 2 mıllıon eýro, onyń 60 paıyzyn jeńimpaz, al 40 paıyzyn qarsylasy ıelenedi.