Bul týraly Prezıdent Qazaqstan halqy Assambleıasynyń «Ádiletti Qazaqstan: birlik, turaqtylyq, damý» atty HHHII sessııasynyń otyrysynda aıtty, dep habarlaıdy Egemen.kz.
«Qazir dúnıejúzindegi ahýal túbegeıli ózgerip jatyr. Jańa basymdyqtar paıda bolýda. Syrttan tóngen syn-qaterlerdiń betin qaıtarý asa ózekti máselege aınaldy. Memleketter úshin egemendikti qorǵaýdyń, ulttyq biregeılikti saqtaýdyń mańyzy arta tústi. Bul rette, etnosaıasat baıyppen júrgizilýi kerek. Iаǵnı tatýlyq pen birlik – tabysty memleket bolýdyń basty kepili», dedi Memleket basshysy.
Osy rette ol etnosaralyq qatynas máselesin zaman talabyna saı retteý qajet ekenin aıtty.
«Sessııa aıasynda keshe naqty máselelerge arnalǵan pikirtalas ótkenin bilemin. Etnosaıasatta jahandyq jáne aımaqtyq úderister eskerilýge tıis ekeni aıtyldy. Bul – óte oryndy usynys. Iаǵnı etnosaralyq qatynas máselesin zaman talabyna saı retteý qajet. Bul jumys aýqymdy reformalarmen úndes bolýǵa tıis», dedi Prezıdent.