Tashkent qalasynda erler arasynda ótip jatqan bokstan álem chempıonatynda Serik Temirjanov pen Nurqanat Raıys shırek fınalǵa shyqty, dep habarlaıdy Egemen.kz.
Álem chempıonatynyń kúmis júldegeri Serik Temirjanov 57 kelige deıingi salmaqta majarstandyq Roland Vereshpen judyryqtasty.
Qazaqstan boksshysy tóreshilerdiń biraýyzdan sheshimimen jeńiske jetti. Bul onyń osy birinshiliktegi ekinshi jekpe-jegi edi.
Sonymen qatar, Nurqanat Raıys 75 kelige deıingi salmaqta 1/8 fınalda domınıkandyq Delgado de los Santospen sheberlik baıqasty.
Nurqanat Raıys birinshi raýndta nokdaýn alǵanyna qaramastan, tóreshilerdiń biraýyzdan sheshimimen jeńiske jetti.
Osylaısha, Nurqanat alǵashqy jekpe-jegin sátti ótkizdi.
Aıta keteıik, buǵan deıin Sáken Bıbosynov Úndistan boksshysy Dıpak Kýmarmen judyryqtasyp, tóreshilerdiń sheshimimen jeńildi.