Tashkentte ótip jatqan bokstan álem chempıonatynda Aslanbek Shymbergenov Izraıl sportshysy Mıroslav Kapýler-Ishenkony jeńdi, dep habarlaıdy Egemen.kz.
Kúndizgi sessııada Qazaqstan quramasynyń kapıtany Aslanbek Shymbergenov Izraıl boksshysy Mıroslav Kapýler-Ishenkomen judyryqtasty.
Aslanbek barlyq raýndta basymdyq tanytyp, úshinshisinde qarsylasyn nokdaýnǵa jiberdi. 71 keli salmaq dárejesindegi jekpe-jekte Qazaqstan sportshysy tóreshilerdiń sheshimimen jeńiske jetti.
Sondaı-aq búgin týrnırde Qazaqstannyń taǵy tórt ókili óner kórsetedi. Olar: Nurbek Oralbaı (80 keli), Mahmud Sabyrhan (54 keli), Dýlat Bekbaýov (67 keli) jáne Nurqanat Raıys (75 keli).