Tashkentte ótip jatqan bokstan álem chempıonatynda shırek fınaldyq jekpe-jekter aıaqtaldy. Onyń qorytyndysy boıynsha Qazaqstan quramasynyń bes sportshysy 2023 jylǵy álem chempıonatynyń fınalyna shyǵýǵa múmkindik aldy, dep habarlaıdy Egemen.kz.
Endi jartylaı fınalda 18 elden barlyǵy 52 boksshy kúsh synasady. Dálirek aıtqanda, О́zbekstannan 9, Kýba men Reseıden 6 boksshydan, Qazaqstannan 5, Grýzııa, Fransııa, Ispanııa men Úndistannan 3 sportshydan, Armenııa, Mońǵolııa, Brazılııa, Ázerbaıjannan 2 sportshydan, Iordanııa, Qyrǵyzstan, Qytaı, Meksıka, Italııa, Tájikstannan 1 sportshydan baq synaıdy.
Aıta keteıik, jartylaı fınaldaǵy kezdesýler 12 mamyrda ótedi.
Buǵan deıin Qazaqstan quramasynyń bes ókili 2023 jylǵy álem chempıonatynyń fınaldyq synyna joldama alǵanyn habarlaǵan edik.
О́kinishke qaraı, bul jarystan segiz boksshymyz shyǵyp qaldy, olar: Sáken Bıbosynov (51 kelige deıin), Serik Temirjanov (57 kelige deıin), Talǵat Syrymbetov (60 kelige deıin), Sanatáli Tóltaev (63,5 kelige deıin), Nurqanat Raıys (75 kelige deıin), Saǵyndyq Toǵambaı (86 kelige deıin), Aıbek Oralbaı (92 kelige deıin) jáne Qamshybek Qońqabaev (+92 keli).
Aıta keteıik, chempıonattyń fınaly 13 mamyrda ótedi.