12 mamyrda Tashkentte ótetin álem chempıonatynyń jartylaı fınalyndaǵy qazaqstandyq boksshylardyń jekpe-jek kestesi belgili boldy, dep habarlaıdy Egemen.kz Sports.kz-ke silteme jasap.
Tústen keıingi sessııada (Astana ýaqytymen 15:00) Qazaqstan quramasynyń úsh ókili rıngke shyǵady: 48 kelige deıingi salmaqta Sanjar Táshkenbaı reseılik Edmond Hýdoıanmen (2-jup) judyryqtasady. Budan soń 54 keli salmaqta kýbalyq Iosvanı Veıtıamen Mahmud Sabyrhan (3-jup) shyǵady. Dýlat Bekbaýov 67 keli salmaqta grýzın boksshysy Lasha Gýrýlımen kezdesedi (7-jup).
Keshki sessııada (19:00) elimizdiń taǵy eki sportshysy sharshy alańǵa shyǵady: 71 kelige deıingi salmaqta Aslanbek Shymbergenov pen úndistandyq Nıshant Dev, 80 keli salmaqta Nurbek Oralbaı men Imam Hataev (Reseı) judyryqtasady.