Tashkentte ótip jatqan álem chempıonatynyń fınalynda jeti qazaq boksshysy judyryqtasady. Onyń beseýi Qazaqstan atynan, bireýi Qytaıdan, taǵy biri О́zbekstannan shyǵady, dep habarlaıdy Egemen.kz.
Fınalda Sanjar Táshkenbaı (48 keli), Mahmud Sabyrhan (54 keli), Dýlat Bekbaýov (67 keli), Aslanbek Shymbergenov (71 keli), Nurbek Oralbaı (80 keli) altyn júlde úshin judyryq túıistiredi.
О́zbekstan quramasynan qazaq jigiti Rýslan Abdýllaev fınalda óner kórsetedi. Ol fınalda mońǵolııalyq Chınzorıg Baatarsýhpen altynǵa talasady.
Sonymen qatar Qytaı qazaǵy Toqtarbek Tańathan fınalǵa shyqty.
Fınal kezeńi 13-14 mamyrda ótedi.
Aıta keteıik, buǵan deıin jartylaı fınalda 80 keli salmaq dárejesinde Nurbek Oralbaı reseılik Imam Hataevpen kezdesip, tóreshilerdiń sheshimimen jeńiske jetkenin habarlaǵan edik.