Bokstan Qazaqstan ulttyq quramasynyń bas bapkeri Myrzaǵalı Aıtjanov óz shákirtteriniń О́zbekstan astanasy Tashkentte ótken álem chempıonatyndaǵy sátti ónerine qatysty pikir bildirdi, dep habarlaıdy Egemen.kz.
2023 jylǵy bokstan álem chempıonatynda Qazaqstan ókilderi tórt altyn jáne bir kúmis medal jeńip aldy. Sanjar Táshkenbaı (48 keli), Mahmud Sabyrhan (54 keli), Aslanbek Shymbergenov (71 keli) jáne Nurbek Oralbaı (80 keli) altyn alsa, Dýlat Bekbaýovqa (67 keli) kúmis buıyrdy.
«Boksshylarymyz joǵary deńgeıde óner kórsetti. Onyń bári eńbek. Eńbek bárin jeńbek degen sóz bar. Sol ustanymmen biz eńbek ettik. Sonyń arqasynda osyndaı úlken jetistikke jettik. Sonymen qatar rıngte jeńiske jetýdiń basty kilti - sportshylarymyzdyń tártibi men eńbekqorlyǵy boldy dep oılaımyn», dedi Qazaqstan ulttyq quramasynyń bas bapkeri Myrzaǵalı Aıtjanov.
Buǵan deıin qazaqstandyq boksshy Gennadıı Golovkın sportshylarmyzdy Tashkentte ótken bokstan álem chempıonatyndaǵy tamasha nátıjesimen quttyqtaǵan edi.