Qajetti mamandy qoldaǵan baǵdarlama

Prezıdent Qasym-Jomart Toqaev halyqty baspanamen qamtý Úkimettiń negizgi mindetteriniń biri ekenin aıtty. «Bizdiń basty mindetimiz – ár azamattyń turmys sapasyn arttyrý. Sondyqtan memleket áleýmettik mindettemelerdi oryn­daýǵa basa mán berip otyr. Osy maqsatta elimizde turǵyn úı qurylysy qarqyndy júrgizilýde. Halyqty qol­jetimdi baspanamen qamtý úshin kóptegen jeńildik jasalyp jatyr. Adamdar­dyń qarapaıym tutynýdan jınaqtaýǵa kóshý qajettigin túsinýi mańyzdy», dedi Memleket basshysy.

Qalalyq turǵyn úı basqarmasynyń basshysy Janat О́tebaevanyń aıtýynsha, bıyldan bastap 35 jasqa deıingi aza­mattar jastar sanatyna endi. Osyǵan oraı budan keıin 35 jasqa deıingi azamattar memleket qoldaýyna ıe bolyp, baspanamen qamtylady. Memlekettik jastar saıasaty jóninde qabyldanǵan zań birneshe jańa normany qamtı­dy. Osylaısha, jastarǵa arnalǵan túrli je­ńildikterdi qoldanatyn azamattar sany edáýir artpaq.

Sonymen qatar bıyldan bastap ju­mys istep júrgen jastarǵa satyp alý quqy­ǵynsyz páterler 3 jyl merzimge paı­dalanýǵa beriletin boldy. Alaıda óti­nish bergenge deıin keıingi 3 jylda Shym­kent qalasynda turaqty tirkeýde bo­lýy jáne ıeliginde turǵyn úı bolmaýy kerek.

Jumysshy jastarǵa satyp alý quqy­ǵynsyz jalǵa beriletin turǵyn úı berý baǵdarlamasy aıasynda 2020 jyly 904 páter berilse, 2021 jyly 300 jas jaldamaly baspanamen qamtylǵan. 2022 jyly atalǵan baǵdarlama boıynsha 857 turǵyn qonys toıyn toılady. Bıyl 888 jasty arendalyq baspanamen qamtý kózdelip otyr. Konkýrsqa ótinimder qabyldaý elek­trondy portal arqyly júzege asy­rylady. Sondaı-aq ótinimderdi qa­byl­daý, óńdeý, kelisimshartqa turý ju­mys­tary tolyqtaı elektrondy nusqada júrgiziledi. Megapolıste jas­tar baǵdarlamasy jumysyn endi bastaıdy. Bul boıynsha aldyn ala BAQ-ta jáne áleýmettik jelide habarlandyrý jarııalanady.

Basqarma basshysynyń málim­de­ýinshe, bıyl Shymkenttik turǵyndar­dyń baspana máselesin ońtaıly she­shýine járdemdesetin «Qamqor» baǵ­dar­lamasy iske qosylyp otyr. Ol qa­rapaıym mamandardyń armandaǵan tur­ǵyn úılerine erterek qol jetkizýine kó­mektesedi. Baǵdarlamaǵa dárigerler, medbıkeler, sanıtarlyq tazalyqshy­lar, pedagogter, tárbıeshiler, JOO jáne kolledj oqytýshylary, ǵylymda júr­­gender, mádenıet jáne sport sala­sy­nyń mamandary, jýrnalıster, ener­ge­tıka salasynyń, «Azamattarǵa arnal­­ǵan úkimet» memlekettik korporasııa­sy ­KeAQ fılıalynyń, sondaı-aq mem­lekettik jáne bıýdjettik uıym qyz­met­kerleri qatysa alady. Tipti osyǵan baılanysty jýyrda Shymkent qalasy­nyń ákimi Murat Áıtenov pen «Otbasy bank» AQ-nyń basqarma tóraıymy Lıazzat Ibragımova yntymaqtastyq týraly me­morandýmǵa qol qoıdy.

Baǵdarlamaǵa sáıkes turǵyn úıdi bastapqy nemese ekinshi naryqtan úmit­kerler ózderi taýyp, satyp alýyna múm­kindik bar. Qaryzdyń eń joǵarǵy so­masy 20 mln teńgeni quraıdy. Nesıe bo­ıynsha alǵashqy jarna 10 paıyz, jyl­dyq mólsherleme 5 paıyzdy quraıdy. Odan ári jyldyq mólsherleme 3,8 pa­ıyzǵa deıin tómendeıdi. Turǵyn úı qurylys jınaq júıesi arqyly ıpoteka mólsherlemesin tómendetýge bolady. Osylaısha, azamattar tólenetin qaryz mólsherin azaıtýǵa múmkindik almaq. «Qamqor» baǵdarlamasy aıasynda nesıeleýge bólinetin alǵashqy transh kólemi – 3 mlrd teńge. Atalǵan qarajat jergilikti atqarýshy organ tarapynan bólinedi. Jańa turǵyn úı baǵdarlamasy sheńberinde ótinimderdi qabyldaý jáne áleýetti qaryz alýshylardyń tizimin qalyptastyratyn basty operator – Otbasy banki. Jeńildetilgen nesıeleýge úmitkerlerdi irikteýden ótkizý barysynda qatysýshylardyń nekedegi jyldar sany, balalardyń bolýy, jumys ótili, Shymkentte tirkelý uzaqtyǵy es­keriledi. Sondaı-aq 63 jasqa deıingi qa­tysýshynyń jáne onyń otbasy múshe­leriniń respýblıka aýmaǵynda 5 jylda menshik quqyǵynda turǵyn úı bol­maýy shart jáne joǵaryda aıtylǵandaı, keıingi 3 jylda Shymkentte turaqty tirkeýde bolýǵa tıis.

«Bıyl memlekettik baǵdarlama aıasynda kezegi kelgen halyqtyń áleý­met­tik jaǵynan álsiz toby, kópbalaly otbasylarǵa jáne jetim, ata-ana­nyń qamqorlyǵynsyz qalǵan balalar sana­tyndaǵy azamattarǵa, turǵyn úı keze­gindegi memlekettik qyzmetker­ler­ge aren­dalyq 324 páter beriledi. So­nymen birge naqty jumysy bar 888 jas pátermen qam­tylady. Jyl basynda ne­sıelik negizde 1 919 páter úlestirý jos­parlanǵan edi. Alaıda bul kórsetkish qosymsha taǵy 118 pátermen tolyqty. Sonyń ishinde qazirgi tańda 1 293 azamat ıpotekalyq negizde baspanaly bolyp úlgerdi. Olar – «5-20-25» jáne «2-10-20 Baqytty otbasy» baǵdarlamalary boıynsha baspana alǵandar. Osy jyly 23 qańtardan bastap turǵyn úı sertıfıkattaryn alý úshin elektrondy qujat­tar qabyldandy. Sonyń nátıjesinde 145 azamatqa turǵyn úı sertıfıkattary berildi. Qalada turǵyn úı sertıfıkattary 2019 jyldan bastap berile bastady. Alǵashqy jyly 21 azamat alsa, keıingi jyldary úmitkerler sany óse tústi. Máselen, byltyr 58 azamat osy sertıfıkatqa ıe boldy. Jalpy, bul qujat otbasylarǵa qaıtarymsyz negizde bastapqy jarnanyń bir bóligin jabý úshin áleýmettik kómek retinde usynylady. Budan bólek ótken jyly 60 úı aǵymdaǵy jáne kúrdeli jóndeýden ótse, bıyl 40 úıdi jóndeýden ótkizý josparda tur», dedi basqarma basshysy J.О́tebaeva.

Mamannyń aıtýynsha, qala aýma­ǵyn­daǵy avarııalyq, tozyǵy jetken 6 turǵyn úıdi turǵyndar kelisimimen buzy­lyp, qaıta salynbaq. Qazirgi tańda renovasııalaý jobalaryna jeke ınvestorlar tartýmen «Shymkent ÁKK» AQ aınalysyp jatyr. Osyǵan baılanysty aýdandyq ákimdikter tarapynan turǵynjaı menshik ıeleriniń jeke ınvestormen kezdesýleri uıymdastyry­lyp, túsindirme jumystary atqarylyp kele­di. Aıta ketý kerek, Shymkent qala­syn­da turǵyn úı alý tiziminde 50 167 aza­mat tirkelgen. Olardyń ishinde jetim jáne ata-anasynyń qamqorlyǵynsyz qalǵan balalar, kópbalaly otbasylar, halyqtyń áleýmettik jaǵynan álsiz toptary, memlekettik, bıýdjettik uıym jáne áskerı qyzmetshiler, sondaı-aq jalǵyz turǵyn úıi apatty jaǵdaıda dep tanylǵan azamattar bar.

Byltyr osynaý áleýmettik sanat­taǵylarǵa 748 páter tapsyrylypty. 857 páterdi jumys istep júrgen jastar alǵan. Jáne «Otbasy bank» AQ arqyly «2-10-20 Baqytty otbasy», «5-10-20 Shańyraq», «5-20-25» baǵdarlamalary bo­ıynsha nesıe negizinde 1 276 páter berilipti.

«Turǵyn úı sýbsıdııasy – páter jaldap turatyn otbasylarǵa kórsetiletin aýqymy keń áleýmettik kómek. Atalǵan baǵdarlama iske qosylǵaly beri bıyl 433 otbasynyń turǵyn úıdi jaldaý aqy­synyń 50 paıyzy memleket tarapynan tólenip jatyr. Al turǵyn úı sýbsıdııasyna ótinimder qabyldaý áli de toqta­ǵan joq. Negizinde bul baǵ­darlamaǵa kelesi tórt sanat boıynsha kezekte turǵan ­otandastar qatysa alady. Atap aıtqanda, I jáne II toptaǵy múgedekter, múmkin­digi shekteýli balalary bar nemese olar­dy tárbıelep otyrǵan otbasylar, jetim jáne ata-anasynyń qamqorlyǵynan aıyryl­ǵan balalar, kópbalaly otbasylar», dedi J.О́tebaeva.

Mamannyń málimdeýinshe, jaldaý aqysyn sýbsıdııalaýǵa úmitkerler qa­taryndaǵy otbasylardyń keıingi 6 aıdaǵy ortasha jıyntyq tabysy otba­synyń árbir múshesine shaqqanda eń tómengi kúnkóris deńgeıinen (1 KM = 40 567 teńge) aspaýǵa tıis eken. Son­daı-aq sýbsıdııa alýǵa úmitkerdiń depozıttik shoty bolýy qajet. Jınaq shoty joq azamattar beınebankıng qyz­meti nemese «Otbasy bank» mobıldi qo­symshasy arqyly shot asha alady. Sýb­sıdııa alýǵa ótinimder elektrondyq sıfrlyq qoltańba (ESQ) kómegimen www.otbasybank.kz saıtynda onlaın qabyldanady.

Buǵan qosa aıta ketý kerek, búginde Shymkentte memleket bıýdjeti esebi­nen 67 kópqabatty turǵyn úı salynyp, 17 úıdiń abattandyrý jumystary júr­gizilip jatyr. Osy oraıda qala ákimi Murat Áıtenov ákimshilik iskerlik orta­lyǵy aýmaǵynan boı kótergen 9 qa­batty 8 turǵyn úıdiń qurylys sapasyn tekserdi.

Bul úıler ornalasqan aýmaqqa ırrı­gasııalyq júıeler tartylyp, ishki joldaryna asfalt tóselgen. Aýlalary kó­galdandyrylyp, qurylysshylar abat­tandyrý jumystaryn aıaqtap qaldy. О́z kezeginde shahar basshysy jaýapty ma­mandarǵa kilti daıyn 432 páterdi mem­lekettik baǵdarlama arqyly baspana ke­zegindegi turǵyndarǵa durys úlestirip berýdi tapsyrdy.