Orman kóshet egýden bastalady

Jıynǵa Qazaqstannyń Eko­logııa­lyq qorynyń mamandary, Aqparat jáne qoǵamdyq damý mınıstrliginiń, Aza­mat­tyq bastamalardy qoldaý orta­lyǵynyń ókilderi, Áýlıekól aýdanynyń ákimi, depýtattar, ekologııalyq uıymdar men jalpy bilim beretin mekemelerdiń ókilderi qatysty.

Otyrysqa qatysýshylar qor­shaǵan ortanyń balalardyń den­saýlyǵyna áseri, olardy sheshý jol­dary týraly máselelerdi de qozǵady. Al Qazaqstan ekolo­gııa­lyq qorynyń prezıdenti Aıgúl Abdýalıeva ekologııalyq bilimdi ilgeriletýdiń mańyzyn atap ótip, qordyń aldaǵy jumys josparymen tanystyrdy.

«Qordyń mańyzdy mindet­te­ri­niń biri – ormandardy saq­taý, sonyń ishinde byltyr to­syn apattan zardap shekken Amanqaraǵaı ormanyn qal­pyna keltirý, qalalyq jasyl aımaqtardy abattandyrý, jastarǵa ekologııalyq bilim berý, elimizdiń jasyl qoryn qalpyna keltirý jobalaryna bıznes resýrstaryn tar­tý. Máselen, biz 2-3 ma­myr­da Qostanaı oblysynda qa­ra­aǵash, shıe, yrǵaı, alma, qaraǵaı sekildi 500-den asa aǵash kó­shetin otyrǵyzdyq. Bular – biz­diń klı­mattyq jaǵdaıymyzǵa jaq­­sy beıimdeletin, erkin tamyr ­jaıatyn aǵashtar», deıdi joba úıles­­tirýshisi Q.Jazbaeva.

Áýlıekól aýdany ákimdiginiń ókilderi jıynǵa qatysýshylarǵa jergilikti jerde júrip jatqan abattandyrý jumystarynyń jaıymen tanystyrdy. Jalpy, órtten zardap shekken ormandy qaıta qalpyna keltirý úshin shamamen ondaǵan jyl kerek. Aldymen órtengen aǵashtar ke­silip, orman alqaby tolyqtaı tazartylady. Jalpy, qyzyl jalyn joıǵan orman alqabynyń 75 pa­ıyzyna qaraǵaı, 25% paıyzyna qaıyń otyrǵyzý jos­parlanyp otyr.

Aýdan ákiminiń aıtýynsha, ­orman sharýashylyqtarynda qa­ıyń kóshetteriniń qory jet­kilikti, al qaraǵaı kóshetteri kór­shiles Aqmola oblysynan ákelinip jatyr. Bıyl tazar­tylǵan orman alqaptaryna 1 mln túpten asa eki jyldyq qaıyń kó­shetteri otyrǵyzylady.

Qostanaı oblysy