Qazir hokkeıden álem chempıonaty ótip jatyr. Qazaqstan elshiligi otandastarymyzben birlesip, Ulttyq qurama hokkeıshilerin qoldaý maqsatynda Latvııanyń Iýrmala qalasynda elimizdegi eń úlken týdy jaıyp, fleshmob ótkizdi, dep habarlaıdy Egemen.kz.
Qazaqstan quramasy Latvııanyń Rıga qalasynda shaıbaly hokkeıden ótip jatqan álem chempıonatyna qatysyp jatyr. Osyǵan oraı elimizdegi eń úlken tý ulttyq quramany qoldaý maqsatynda Iýrmala qalasynda jaıyldy. Sondaı-aq bul fleshmob 2027 jylǵy hokkeıden álem chempıonatyn Qazaqstanda ótkizý ótinimin qoldaý úshin de jasalǵan.
Rıgaǵa arnaıy jetkizilgen týdyń jalpy kólemi 800 sharshy metr.
Qazaqstannyń Latvııadaǵy elshiligi Rıga jáne Iýrmala Dýmasynyń basshylyǵyna, 86-shy Álem chempıonatynyń uıymdastyrý komıtetine jáne Latvııa hokkeı federasııasyna alǵys bildirdi.
Aıta keteıik, búgin Qazaqstan quramasy Kanada quramasyna qarsy oıyn ótkizedi.