Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda 15-19 mamyrda Túrkistan oblysynda din máseleleri jónindegi respýblıkalyq aqparattyq-túsindirý tobynyń (RATT) mamandarynyń qatysýymen dinı ekstremızmniń taralýyn aldyn alýǵa baǵyttalǵan semınarlar ótti, dep habarlaıdy Egemen.kz.
Atalǵan kezdesýlerge RATT múshelerinen (teologtar, dintanýshylar) – A.A.Ryskıeva, A.A.Keńesbaeva, A.T.Qalqaeva, J.O. Qańtarbaeva, Z.J.Ýsenova tartyldy.
RATT músheleriniń qatysýymen Saıram, Tóle bı, Saryaǵash, Keles, Maqtaaral aýdandary men Arys qalasynyń meshitterinde áıel jamaǵaty, Tóle bı, Saryaǵash, Jetisaı, Ordabasy aýdandary men Kentaý qalasyndaǵy kolledj stýdentteri, atalǵan óńirlerdegi ortalyq kitaphana, mádenıet úıi, «jastar resýrstyq ortalyǵy» qyzmetkerleri arasynda semınarlar men kezdesýler ótkizildi.
О́tkizilgen is-sharalarda óńir turǵyndaryna Qazaqstan qoǵamyndaǵy áıeldiń teńdigi jáne róli, din men dástúr, ıslamdyq baǵyttaǵy destrýktıvti aǵymdar, hıdjab máselesi týraly aqparattar berildi.
Sarapshylar dinniń rýhanı-adamgershilik quramdas bóligi máselelerine, qazirgi qoǵamdaǵy dindar áıelderdiń róli men áleýmettik mártebesin, sondaı-aq áıelder arasynda dinı saýattylyqty arttyrýǵa, destrýktıvti dinı aǵymdardyń áserine qarsy turý sharalaryna erekshe nazar aýdardy.
Jıyn sońynda RATT músheleri tyńdaýshylardyń suraqtaryna jaýap berdi.