Qazaqstandyq faıter Asý Almabaev reseılik jýrnalıst Igor Lazornınge bergen suhbatynda otandasy Shavkat Rahmonov UFC-degi kelesi jekpe-jegin qashan ótkizetinin aıtty, dep habarlaıdy Egemen.kz.
Vesti.kz habarlaýynsha, reseılik jýrnalıst Asý Almabaevqa «Shavkat Rahmonovtyń kimmen aıqasqanyn kórgiń keledi?» degen saýal qoıǵan.
«Sharshy alańǵa kimdi shyǵarsa da, ol sonymen judyryqtasady. Kez kelgen qarsylaspen aıqasa beredi. Shavkat tamyz aıynda judyryqtasqysy keledi. Jattyǵý jıynyn ótkizý ońaı emes. Daıyndyq bastaǵanda menedjerler de qozǵalady, lıga da jumys isteıdi, al qarsylas báribir tabylady. Ár aıqastan keıin jattyǵýǵa dereý kirisý mańyzdy», dedi qazaqstandyq faıter.
Eske salaıyq, Shavkat Rahmonov sońǵy ret 4 naýryz kúni Las-Vegasta judyryqtasyp, úshinshi raýndta amerıkalyq Djeff Nıldi jeńgen edi.