«Ortalyq Azııa – Eýropalyq Odaq» sammıti aıasynda Memleket basshysy Eýropalyq Keńes Prezıdenti Sharl Mıshelmen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Sharl Mıshelge iltıpat bildire otyryp, Qazaqstan Eýropalyq Odaqpen strategııalyq seriktestikke basa mán beretinin atap ótti. Elimizdiń Eýropalyq Odaqpen jasaǵan Keńeıtilgen seriktestik jáne yntymaqtastyq týraly kelisimi berik qarym-qatynastardyń jańa kezeńine jol ashty. Búginde EýroOdaq – Qazaqstannyń jetekshi saýda seriktesi jáne ekonomıkamyzdyń eń iri ınvestory.
О́z kezeginde Sharl Mıshel EýroOdaq pen Qazaqstan arasyndaǵy yntymaqtastyqtyń qarqyndy damyp kele jatqanyn joǵary baǵalap, ózara qarym-qatynasty odan ári damytý úshin birlese jumys isteý kerek ekenin atap ótti.
Sondaı-aq olar jahandyq jáne óńirlik kún tártibindegi máseleler jóninde pikir almasty.