BUU Ońtústik-ońtústik yntymaqtastyǵy jónindegi joǵary deńgeıdegi Komıtetiniń 21-shi sessııasy ótti. Sessııa pandemııadan keıin qalpyna keltirýdi jedeldetý men Ońtústik-ońtústik yntymaqtastyǵy jáne úshjaqty áriptestikke negizdelgen 2030 jylǵa deıingi turaqty damý taqyrybyna arnaldy, dep habarlaıdy Egemen.kz.
BUU Ońtústik-ońtústik yntymaqtastyǵy jónindegi joǵary deńgeıdegi Komıteti 21-shi sessııasynda Astana memlekettik qyzmet haby basqarýshy komıteti tóraǵasy Álıhan Baımenov sóz sóılep, Habtyń «Shyǵys Eýropa jáne TMD: sıfrlandyrý pandemııadan keıin qalpyna keltirý akseleratory retinde jáne memlekettik qyzmet sapasyn arttyrý úshin yntymaqtastyq» taqyryby boıynsha tájirıbesin tanystyrdy.
«Osylaısha úkimetter ozyq memlekettik qyzmetterdi damytyp, vedomstvoaralyq yntymaqtastyqty keńeıte alady jáne sıfrlyq ekojúıelerdi nyǵaıtady. Tehnologııalardyń qarqyndy damýy kez-kelgen teris maqsatta paıdalaný yqtımaldyǵyn boldyrmaıtyn taza ári ashyq sheshimder qabyldaýǵa jol ashyp, sol arqyly azamattardyń quqyqtary men bostandyqtaryn qamtamasyz etýi tıis», dedi Álıhan Baımenov.